69 व्या राष्ट्रीय शालेय खेळां सर्तींखातीर क्रिकेट पंगड निवड चाचणी

ता. 11 एप्रिल 2026

69 व्या राष्ट्रीय शालेय खेळां सर्तींखातीर गोंय राज्याचो अंडर-17 चले आनी अंडर-17 चलयांचो क्रिकेट पंगड निवडपा खातीर खेळां आनी युवा वेव्हार संचालनालयान सकयले प्रमाण निवड चाचणीचे आयोजन केला. अंडर-17 चल्यांची क्रिकेट सर्त तेलंगणात 26 एप्रिल ते 1 मे 2026 मेरेन आनी अंडर-17 चलयांची क्रिकेट सर्त रोहतक, हरयाणा हांगा 29 एप्रिल ते 3 मे 2026 मेरेन जातली.

अंडर-17 चल्यांचो क्रिकेट पंगड निवडपा खातीर 13 आनी 15 एप्रिल 2026 दिसा आनी अंडर-17 चलयांचो क्रिकेट पंगड निवडपा खातीर 16 आनी 17 एप्रिल 2026 दिसा कांपाला वयल्या उकत्या मैदानाचेर निवड चाचणी जातली. खेळगड्यांनी सकाळी 9.30 ते 10.30 वरा मेरेन निवड चाचणीच्या थळार हजर रावपाक जाय.

निवड चाचणीक हजर रावपी खेळगडो शाळा/ज्युनियर कॉलेजीचो नियमित विद्यार्थी आसपाक जाय आनी आपले शाळेचे वळखपत्र/स्पोर्ट्स कार्ड आनी पासपोर्ट आकाराच्या फोटो सयत निवड चाचणीक हजर रावचे.

म्हा /सप/ / विगां/ 2026/248