मतदार वळेरी निरिक्षक लोकांखातीर उपलब्ध

ता. 12 जानेवारी 2026

भारतीय वेंचणूक आयोगान सचीव (महसूल) श्री संदीप जॅकीस (आयएएस) हांची सध्या चालू आशिल्ल्या विशेश मतदार वळेरी उजळणी मोहिमेच्या काळात गोंय राज्या खातीर मतदार वळेरी निरिक्षक म्हणून नेमणूक केल्ली आसून ते 20 जानेवारी 2026 दिसा सकाळी 10.30 वराचेर उत्तर गोंय जिल्होधिकारी कार्यालयातल्या परिशद सभाघरात सर्वसामान्य लोकांचे कसलेय दावे/प्रस्न आसल्यार ते स्विकारपा खातीर उपलब्ध आसतले.

तशेंच सर्वसामान्य लोक चेंबर क्रमांक 102, दुसरो माळो, सचिवालय, पर्वरी, बार्देस-गोंय, 403521 हांगा तांच्या कार्यालयांत वा फोन नं. 0832-2419411, 2419620 वयल्यानय मतदार वळेरी निरिक्षकां कडेन संपर्क करपाक शकतात.

म्हा /सप/ / विगां/ 2026/41