1 फेब्रुवारीक राज्य विज्ञान प्रज्ञासोद परिक्षा

ता. 9 जानेवारी 2026

राज्य शिक्षण संशोधन आनी प्रशिक्षण मंडळा वतीन आयतार ता. 1 फेब्रुवारी 2026 दिसा सकाळी 10.00 ते 12.00 वरा मजगती गोंय राज्यांतल्या 12 तालुका केंद्रांचेर यत्ता आठवी, णववी, धावी, अकरावी आनी बारावेच्या विद्यार्थ्यांखातीर राज्य पावंड्या वयली विज्ञान प्रज्ञासोद परिक्षा 2025-26 घेवपात येतली.

माध्यमिक आनी उच्च माध्यमिक शाळांच्या प्रमुखांनी विद्यार्थ्यांचे विज्ञान प्रज्ञासोद परिक्षा 2025-26 चे अर्ज 14 जानेवारी 2026 मेरेन सादर करपाक जाय. राज्य शिक्षण संशोधन आनी प्रशिक्षण मंडळा वतीन शिश्यवृत्ती भेटोवपा खातीर दर वर्सा विज्ञान प्रज्ञासोद परिक्षा घेतात. दर वर्सा यत्ता आठवी, णववी, धावी, अकरावी आनी बारावेच्या गुणवान विद्यार्थ्यांक दरेकी 2,500/- रूपयांच्यो वट्ट 200 शिश्यवृत्ती दितात.

म्हा /सप/ / विगां/ 2026/36