साळावली उदका प्रकल्पातल्यान मर्यादीत उदका पुरवण बंद

ता. 6 जानेवारी 2026

फाल्या 7 जानेवारी दिसा सकाळी 9.00 ते सांजेची 7.00 वरा मेरेन शेळपे सांगे हांगा 160 एमएलडी साळावली उदका प्रकल्प/पायपलायनीची देखभाल/ दुरूस्ती काम करपात येतले आनी त्या खातीर 160 एमएलडी साळावली उदका प्रकल्पातल्यान उदका पुरवण जावची ना, जाल्यार 100 एमएलडी साळावली उदका प्रकल्पातल्यान सदांचें भशेन उदका पुरवण चालू आसतली. वयल्या कारणा खातीर 7 आनी 8 जानेवारी दिसा सांगे, केपे, साश्ट आनी मुरगांव तालुक्यांत मर्यादीत उदका पुरवण जातली. गिरायकांनी ह्या गैरसोयिची नोंद घेवची, अशें उदका पुरवण विभागान कळीत केला.

म्हा /सप/ / विगां/ 2026/22