दक्षीण गोंयाखातीर मतदार वळेरी निरिक्षकाची नेमणूक

ता. 10 डिसेंबर 2025

भारतीय वेंचणूक आयोगान सचीव (महसूल) श्री संदीप जॅकीस (आयएएस) हांची सध्या चालू आशिल्ल्या विशेश मतदार वळेरी उजळणी काळात गोंय राज्या खातीर मतदार वळेरी निरिक्षक म्हणून नेमणूक केल्या.

मतदार वळेरी निरिक्षक 16 डिसेंबर 2025 दिसा सकाळी 10.30 वराचेर रूम नं. 407, सेमिनार हॉल, चौथो माळो, माथानी साल्डाना प्रशासकीय प्रकल्प, मडगांव हांगा सर्वसामान्य लोकांचे कसलेय दावे/प्रस्न आसल्यार ते स्विकारपा खातीर उपलब्ध आसतले.

तशेंच सर्वसामान्य लोक चेंबर क्रमांक 105, तिसरो माळो, सचिवालय, पर्वरी, बार्देस-गोंय, 403521 हांगा तांच्या कार्यालयांत वा फोन नं. 0832-2419420, 2419646 वयल्यानय मतदार वळेरी निरिक्षकां कडेन संपर्क करपाक शकतात.

म्हा /सप/ / विगां/ 2025/945