बाबली नायक आनी अजीत गुडे हांच्या मरणाचेर गोवा कोंकणी अकादेमी कडल्यान दुख्ख व्यक्त

ता. 19 सप्टेंबर 2025

कोंकणी भाशेक न्याय वा अधिकार मेळोवन दिवपा खातीर, कोंकणी दिसाळें सुनापरान्त मुखार हाडपाक वा तयार करपा फाटल्यान म्हत्वाचो वांटो आशिल्ले, कोंकणी भाशा मंडळ आनी हेर कोंकणी संघटनां वरवीं कोंकणी अस्मिताये खातीर प्रामाणीकपणान यत्न करपी श्री बाबली नायक आनी सुनापरान्तांत प्रशासकीय सेवा तशेंच प्रकाशक म्हणून काम करपी अजीत गुडे हांच्या निधनाचेर गोवा कोंकणी अकादेमीन दुख्ख उक्तायला.

कोंकणी खातीर ताणें निस्वार्थीपणान आनी शांतपणान केल्लो वावर आदर्श उरलो. कोंकणी राजभाशा चळवळीचे मूळ प्रेरणा म्हूण ज्या लोकांची नांवां घेतात, तातूंत श्री बाबली नायक हें नांव सदांच
मुखार उरतलें. गोवा कोंकणी अकादेमी तांकां आर्गां ओपता.

म्हा /सप/ / विगां/ 2025/768