English Press ReleaseLatest NewsPress Releases

वेपारी, विक्रेत्यांनी तांदूळ/भाताचो सांठो जाहीर करपाचो आदेश

ता. 19 नोव्हेंबर 2026

केंद्रीय गिरायक वेव्हार, अन्न आनी भौशीक वितरण मंत्रालयाच्या अन्न आनी भौशीक वितरण खात्यान सगळीं राज्यां आनी संघप्रदेशांतले वेपारी/ठोक विक्रेते, किरकोळ विक्रेते आनी प्रक्रिया/गिरण वेवसायिकांनी आपल्या कडेन आशिल्ल्या तांदूळ/भाताचो सांठो सक्तीन जाहीर करपा संबंदी आदेश लागू केला. तांणी https://foodstock.dfpd.gov.in ह्या फुड स्टॉक पोर्टलाचेर सांठ्याची म्हायती जाहीर करपाक जाय.

बासमती तांदूळ, बिनबासमती प्रिमिएम तांदूळ (सांबा मसूरी, गोबिंदोभोग, सिरागा सांबा/जीरा सांबा, जीराकसाला/कायमा, कालानमक, कतरनी तांदूळ, एचएमटी सोना, चक-हाओ, सोना मसूरी, स्वर्णा, पोन्नी तांदूळ, पलक्कडन मट्टा, सांबा मसूरी, मसूरी, राजमुडी तांदूळ, कोळम तांदूळ, जोहा तांदूळ, केएनएम, आरएनआर, जय श्रीराम आनी हेर बिनबासमती प्रिमिएम तांदूळ, उकडो तांदूळ, मोडिल्लो तांदूळ आनी भाताचो स्टॉक जाहीर करपाक जाय.

ह्या आदेशाच्या फांटभूंयेर गोंय सरकाराच्या नागरी पुरवण आनी गिरायक वेव्हार खात्यान संबंदीत वेपारी आनी विक्रेत्यांक सात दिसांभितर आपल्या कडल्या स्टॉकाची म्हायती वयल्या पोर्टलाचेर जाहीर करपाक सांगला. तशेंच ते उपरांत प्रत्येक शुक्रारा नेमान स्टॉकाची म्हायती अपडेट करप आवश्यक आसा.

म्हा /सप/ / विगां/ 2026/730

Skip to content