राजभवनार उत्तर प्रदेश राज्याचो स्थापणूक दीस मनयलो

ता. 24 जानेवारी 2024

राज्यपाल श्री. श्रीधरन पिल्लई हांच्या उपस्थित आयज राजभवनार उत्तर प्रदेश राज्याचो स्थापणूक दीस मनयलो. तशेंच दादरा आनी नगर हवेली आनी दमण आनी दीव स्थापणूक दिसय पूर्वसंध्येक मनयलो.

ह्या वेळार राज्यपालांचे सचिव श्री एम आर. एम राव, गोंय विद्यापीठाचे प्राध्यापक डॉ. राहुल त्रिपाठी आनी हेर अधिकारी उपस्थित आशिल्लें.

देशांत ‘एक भारत श्रेष्ठ भारत’ ह्या संकल्पनेतल्यान राज्यांचो स्थापणूक दीस मनोवपात येता.

ह्या वेळार उलयतना राज्यपाल श्री पी एस श्रीधरन पिल्लई हांणी एकजूटीन आपल्या देशाचे सार्वभौमत्व, एकता आनी अखंडताय सांबाळून दवरपाचो उलो मारलो.

राज्यपालान उत्तर प्रदेश, दादरा आनी नगर हवेली आनी दमण आनी दीव राज्यांक स्थापणूक दिसाची परबी दिली आनी ह्या राज्यांकडेन भरपूर क्षमता आनी कुशळटाय आशिल्ल्याचे म्हणलें.

प्रजासत्ताक दीस सुवाळ्याच्या दिसा लोकांनी राजभवनार भेट दिवन राजभवन वाठारांत उबारिल्ल्या विविध सुविधा आनी प्रकल्पांची पळोवणी करची, अशें आवाहन राज्यपालांनी केले.

सुरवातीक श्री एम आर एम राव हांणी येवकाराचे उलवप केले. श्रीमती मेघा मुखर्जी हांणी सूत्रसंचालन केले जाल्यार श्री संदेश गडकरी हांणी उपकार मानले.

ह्या वेळार कु. देविका सांबारी हांणी नृत्य स्वरूपात राम भजन सादर केले.

म्हा /सप/ प्रना/ विगां/ 2024/66