दक्षिण गोव्यामध्ये नागरी संरक्षण स्वयंसेवकांची नोंदणी

११ सप्टेंबर, २०२६

दक्षिण गोवा जिल्हा प्रशासनाने, आपत्ती आणि आपत्कालीन परिस्थितीत प्रभावी प्रतिसादासाठी सामुदायिक सहभाग आणि सज्जता बळकट करण्याच्या उद्देशाने नागरी संरक्षण स्वयंसेवकांच्या नोंदणीची प्रक्रिया सुरू केली आहे.

नागरी संरक्षण स्वयंसेवक आपत्ती सज्जता, आपत्कालीन प्रतिसाद, स्थलांतर, मदतकार्य, जनजागृती आणि सामुदायिक लवचिकता यांसारख्या क्षेत्रांमध्ये जिल्हा प्रशासन आणि इतर प्रतिसाद संस्थांना साहाय्य करण्यात महत्त्वाची भूमिका बजावतील.

नागरी संरक्षण स्वयंसेवक म्हणून समाजाची सेवा करण्यास इच्छुक असलेल्या नागरिकांना नोंदणी करून जिल्ह्याची आपत्ती व्यवस्थापन आणि आपत्कालीन प्रतिसाद यंत्रणा बळकट करण्यासाठी योगदान देण्यास प्रोत्साहित केले जाते.

नोंदणी अर्ज दक्षिण गोवा जिल्ह्याच्या पोलीस अधीक्षक कार्यालयात आणि साळसेट, पोंडा व म्हापसा येथील उप जिल्हाधिकारी आणि उपविभागीय अधिकाऱ्यांच्या कार्यालयात उपलब्ध करून दिले जातील.

इच्छुक व्यक्तींनी आवश्यक तपशील भरून, उपरोक्त कार्यालयांमधून विहित नोंदणी अर्ज घ्यावेत आणि पूर्ण भरलेला अर्ज नियुक्त कार्यालयात सादर करावा.

जिल्हा प्रशासन नागरिकांना या महत्त्वाच्या उपक्रमात पुढे येऊन सहभागी होण्याचे आवाहन करत आहे. अधिक माहितीसाठी नागरिकांनी दक्षिण गोवा जिल्हा नियंत्रण कक्ष: ०८३२-२७९४१०० आणि पीओआर, दक्षिण गोवा: ७८७५७५६११० या हेल्पलाईन क्रमांकांवर संपर्क साधावा.

मा/वाप/अहे/एपी/रना/२०२६/६३३