30 जानेवारीक हुतात्मा स्मारकाचेर पुष्पांजली ओपतले

ता. 23 जानेवारी 2026

भारताच्या स्वातंत्र्या खातीर जांणी आपल्या जीणेचो त्याग केलो तांच्या उगडासाक ता. 30 जानेवारी 2026 दिसा सकाळी 10.30 वरांचेर पणजेच्या आझाद मैदाना वयल्या हुतात्मा स्मारकाचेर पुष्पांजली ओपतले. राज्यपाल श्री. पुसापती अशोक गजपती राजू, मुख्यमंत्री डॉ. प्रमोद सावंत, गोंय विधानसभेचे सभापती,मंत्री आनी हेर मानेस्त हुतात्मा स्मारकाचेर पुष्पचक्र दवरून हुतात्म्यांक आर्गां ओपतले. गृह खात्यान सगळ्या स्वातंत्र्य सैनिकांक आनी नगरिकांक कार्यक्रमाक उपस्थित रावपाची विनंती केल्या.

म्हा /सप/ / विगां/ 2026/63