विधानसभा अधिवेशन काळात जमाव बंदीचा आदेश

२० ऑक्टोबर २०२५

उत्तर गोवा जिल्हा न्यायदंडाधिकाऱ्यांनी राज्य विधानसभा अधिवेशन २५ सप्टेंबर रोजी होणार असून या सत्राच्या काळात पर्वरी येथील विधानसभा प्रकल्पाच्या सभोवतालच्या ५०० मिटर भागात आणि पणजी पोलिस स्टेशनच्या हद्दीतील कोणत्याही सार्वजनिक ठिकाणी, गल्ली, रस्ता, चौक किंवा कोणत्याही खुल्या जागेत पाच किंवा अधिक व्यक्ती जमा होण्यास आणि मिरवणूक काढण्यास किंवा आयोजित करण्यास, शस्त्रे किंवा लाठी, तलवारी, भाले किंवा सुरा यासारखी शस्त्रे जवळ बाळगण्यास, लाऊडस्पिकरचा वापर करण्यास, घोषणा देण्यास आणि फटाके फोडण्यास बंदी लागू केली आहे.

कामावरील लोकसेवक, परवानगी मिळविलेले लग्न सोहळे, अंतविधी किंवा कोणतही खास प्रसंग किंवा जिल्हा न्यायदंडाधिकारी, अतिरिक्त न्यायदंडाधिकारी,  किंवा उपविभागीय  न्यायदंडधिकाऱ्याच्या मताप्रमाणे विश्वसनीय प्रसंग ज्यांना संबंधित जिल्हा न्यायदंडाधिकारी अतिरिक्त जिल्हा न्यायदंडाधिकारी किंवा उपविभागीय न्यायदंडाधिकाऱ्यांकडून पूर्व लेखी परवानगी घेतली आहे त्यांना ही बंदी लागू नसेल.

हा आदेश २५ सप्टेंबर २०२५ रोजी सकाळी १० वाजता लागू होईल आणि विधानसभा अधिवेशन संपेपर्यंत लागू राहील.

मा /वाप/ दिबा/ एपी/ र ना/२०२५