पीएम किसान सन्मान निधी येवजणेचो 20 वो हप्तो शेतकारांच्या बँक खात्यात फाल्या जमा जातलो

ता. 1 ऑगस्ट 2025

प्रधानमंत्री किसान सन्मान निधी येवजणेचो एप्रिल 2025 ते जुलय 2025 काळाचो 20 वो हप्तो पात्र शेतकारांच्या बँक खात्यांत फाल्या ता. 2 ऑगस्ट 2025 दिसा जमा जातलो. प्रधानमंत्री श्री. नरेंद्र मोदी फाल्या वाराणसी हांगा सकाळी 11.00 ते दनपारां 12.00 मेरेन जावपी कार्यक्रमात येवजणेच्या 20 व्या हप्त्याची रक्कम शेतकारांच्या बँक खात्यांत जमा करतले. प्रधानमंत्र्यांच्या ह्या कार्यक्रमाचे https://pmindiawebcast.nic.in/. ह्या लिंकाचेर लायव्ह वेबकास्ट उपलब्ध आसतले.

हो दीस प्रधानमंत्री किसान दीस म्हूण पाळटले. वयल्या लिंकावरवीं शेतकांर ह्या कार्यक्रमात सहभागी जातले. प्रधानमंत्री किसान सन्मान निधी येवजण ही भारत सरकाराची एक म्हत्वाची येवजण आसून पात्र शेतकारांक वर्साक 6,000/- ची अर्थीक मजत करपा खातीर प्रधानमंत्र्यानी फेब्रुवारी 2019 वर्सा ह्या येवजणेचो शुभारंभ केल्लो. लावधारक शेतकारांच्या आधार लिंक आनी डीबीटी बँक खात्यांत हप्त्याची रक्कम थेट जमा जाता. 19 व्या हप्त्या वरवीं आता मेरेन 3.69 लाख कोटी रूपया शेतकारांच्या खात्यांत जमा केल्ले आसा.

म्हा /सप/ / विगां/ 2025/652