पुसापती अशोक गजपती राजू हांका गोंयचें राज्यपाल पदाचो सोपूत

ता. 26 जुलय 2025

गोंयचें नवनियुक्त राज्यपाल श्री. पुसापती अशोक गजपती राजू हांका आयज राजभवनाच्या दरबार हॉलांत आयोजीत सोपुतविधी सुवाळ्यात गोंयच्या राज्यपाल पदाचो सोपुत दिलो.

मुंबय उच्च न्यायालयाचें मुख्य न्यायाधिश आलोक आराधे हांणी श्री. पुसापती अशोक गजपती राजू हांका गोंयच्या राज्यपाल पदाचो सोपुत दिलो.

सोपुतविधी सुवाळ्याक मुख्यमंत्री डॉ. प्रमोद सावंत, केंद्रीय नागरी उड्डान मंत्री श्री. किंजरापू राममोहन नायडू, केंद्रीय उर्जा राज्यमंत्री श्री. श्रीपाद नाईक, आंद्रप्रदेश विधानसभेचे सभापती श्री. चिंताकयाला आय्यान्नापत्राडू, आंद्रप्रदेशच्यो महिला आनी बाल कल्याण मंत्री श्रीमती गुमिदी संध्या रानी, राज्यसभा खासदार श्री. सदानंद शेट तानावडे, गोंय मंत्रीमंडळातले वांगडी, खासदार, आमदार आनी हेर मानेस्त उपस्थित आशिल्लें.

श्री. पुसापती अशोक गजपती राजू हांणी राजकीय मळार अनेक पदांचेर वावर केल्लो आसून 2014 ते मार्च 2018 मेरेन ते प्रधानमंत्री नरेंद्र मोदी हांच्या मंत्रीमंडळात केंद्रीय नागरी उड्डान मंत्री आशिल्लें. ताचे पयली 1978 त ते आंद्रप्रदेशच्या विजिनगर मतदारसंघाचे आमदार आशिल्लें. शिक्षणीक उदरगती खातीर तांच्या बापायन 1958 वर्सा स्थापन केल्ल्या महाराजा अलक नारायण कला आनी विज्ञान संस्थेचे ते अध्यक्ष आशिल्लें.

मुख्य सचीव डॉ. व्ही. कांडावेलू हांणी राज्यपालाच्या नियुक्ती पत्राचे वाचन केले.

गोंयचें आदले राज्यपाल श्री पी एस श्रीधरन पिल्लई हांच्या जाग्यार श्री. पुसापती अशोक गजपती राजू हांची नियुक्ती जाल्या.

म्हा /सप/ / विगां/ 2025/643