धरती आभा जनजातीय ग्राम उत्कर्ष अभियाना खाला सांग्यार कार्यक्रमाचे आयोजन

ता. 1 जुलय 2025

धरती आभा जनजातीय ग्राम उत्कर्ष अभियाना खाला ता. 3 जुलय 2025 दिसा सकाळी 10.00 वरा सावन सांगे नगरपालिका मंडळाच्या सभाघरांत मेगा कार्यक्रमाचे आयोजन केला. केंद्रीय आदिवासी वेव्हार मंत्री श्री. ज्युएल ओराम, मुख्यमंत्री डॉ. प्रमोद सावंत, समाज कल्याण मंत्री श्री. सुभाष फळदेसाय, सभापती श्री. रमेश तवडकर, लोकसभा खासदार कॅप्टन विरियातो फर्नांडिस, आमदार आनी जीटीडीसी चे अध्यक्ष श्री. गणेश गावकार, आमदार श्री. निलेश काब्राल, श्री. एल्टन डिकॉस्ता आनी हेर मानेस्त ह्या कार्यक्रमात उपस्थित रावतले.

कार्यक्रमात मानेस्तांच्या हस्तुकीं केंद्र आनी राज्य सरकाराच्या येवजण्यांच्या लावधारकांक मंजूरी पत्रां, रान हक्क दाखले भेटोवपात येतले. तशेंच कार्यक्रमात भलायकी तपासणी, कॅन्सर तपासणी आनी दांत तपासणी शिबीर आयोजीत करतले.

ह्या शिबीरात आदिवासी समाजातल्या लोकांक आधार कार्ड, रेशन कार्ड, आयुषमान भारत कार्ड, जातीचो दाखलो, पीएम-किसान कार्ड, जन धन खाते, एलपीजी कनेक्शन आनी हेर येवजण्यांचो लाव घेवपा खातीर सेवा दितले. नागरिकांनी ह्या शिबीरांतल्या सेवांचो लाव घेवचो, अशें आयोजकांनी मागला.

म्हा /सप/ / विगां/ 2025/566