राज्यपालाकडल्यान ईद-उल- झुहाची परबीं

ता. 6 जून 2025

राज्यपाल श्री. पी. एस. श्रीधरन पिल्लई हांणी गोंयच्या लोकांक ईद-उल-झुहाची (बकरी ईद) परबीं आनी शुभकामना भेटयल्या.

राज्यपाल आपल्या संदेशात म्हणटा, “ ईद-उल-झुहा हो सण भारतात आनी पुराय संवसारात पारंपरीक भावनेन आनी उमेदीन मनयतात. ईद-उल-झुहा हो त्यागाचो सण मानतात आनी तो मुसलमान समाजाचो एक म्हत्वाचो सण आसा. हो सण क्षमा आनी परोपकाराचे प्रतिक जावन आसा आनी समाजाच्या सदस्यांमदी सलोखो आनी भावपणाची भावना वाडयता.

ह्या प्रसंगार हांव सगळ्यां धर्मांतल्या लोकांक शांतिकाय, स्नेहभाव, इश्टागत आनी परस्पर समजीकायेन एकवटान जगपाचो उलो मारता, जाकां लागून आमकां चड खुशालकाय आनी विकासाचे उद्दीश्ट साध्य करप शक्य जातले. ईद-उल-झुहाच्या सण वरवीं लोकांमदी अदीक शांतीकाय आनी इश्टागतीची भावना वाडिक लागू, अशें राज्यपाल आपल्या संदेशात म्हणटा.

म्हा /सप/ / विगां/ 2025/526