मुख्यमंत्र्यांच्या हस्तुकीं ‘उम्मीद’ उपक्रमा खाला सायकल वाटप

ता. 16 जानेवारी 2025

मुख्यमंत्री डॉ. प्रमोद सावंत हांणी आयज साखळीच्या रविंद्र भवनात आयोजीत कार्यक्रमात “उम्मीद” ह्या सामाजीक जापसालदारकीच्या उपक्रमा खाला आरबीएल बँक पुरस्कृत सायकली आनी शालेय सामुग्रीचें वाटप केले. णव शाळांतल्या मेळून 200 गरजू चली विद्यार्थ्यांक सायकली भेटयल्यो.

मुख्यमंत्री डॉ. प्रमोद सावंत हांणी चली भुरग्याचे शिक्षणीक बाबतीत सबलीकरण करपाच्या उपक्रमाचे म्हत्व सांगतना, चली भुरग्याक शाळेत वचपाक सोयिस्कर जावचे आनी चली भुरगे तंदुरूस्त उरचे हो सायकली वाटपा फाटलो उद्देश आशिल्ल्याचे सांगलें. चली भुरग्याचे शिक्षण आनी सशक्तिकरण ही आपली जापसालदारकी आसून असो उपक्रम प्रधानमंत्र्याच्या बेटी बचावो, बेटी पढावो मोहिमेक आदार थारतलो. विद्यार्थ्यांनी सायकलींचो बरो वापर करून आपले शालेय शिकप पुर्ण करचे आनी बरे कॅरियर घडोवचे, अशें मुख्यमंत्र्यान सांगलें.

आरबीएल बँकेचें एचआर मुखेली श्री. बाळकृष्ण नटराजान हांणी “उम्मीद” उपक्रमाची म्हायती दितना सामाजीक जापसालदारकी खातीर बँक समर्पित आशिल्ल्याचें सांगलें.

कार्यक्रमाक शिक्षण संचालक शैलेश झिंगडे, गोंय सीएसआर प्राधिकरणाचे जोड सीईओ विजय सक्सेना, साखळीच्या रविंद्र भवनाचे उपाध्यक्ष दत्ताराम चिमुलकर, आरबीएल बँकेचे अधिकारी तुषार उंदे, मिलिंद विचारे आनी हेर मानेस्त उपस्थित आशिल्लें.

सायली भर्तू हांणी कार्यक्रमाचें सुत्रसंचालन केले. आरबीएल बँकेचे अधिकारी रोहित अगरवाल हांणी निमाणे उपकार मानले.

म्हा /सप/ / विगां/ 2025/58