30 सप्टेंबराक डॉ. एफ. एल. गोम्स हांची पुण्यतिथ

ता. 26 सप्टेंबर 2024

गोंय सरकार 30 सप्टेंबर 2024 दिसा सर्गेस्त डॉ.फ्रांसिस्को लुईस गोम्स हांची पुण्यतिथ पाळटले. 30 सप्टेंबराक पुण्यतिथ कार्यक्रम दोन कडेन जातलो. पयलो कार्यक्रम सकाळी 9.15 वरांचेर मडगांवां कोमुनिदाद ईमारती लागी आनी दुसरो कार्यक्रम सकाळी 10.00 वरांचेर डॉ.फ्रांसिस्को लुईस गोम्स मेमोरियल ट्रस्ट, नावेली, साश्ट हांगा जातलो.

कायदो आनी न्यायमंत्री श्री. आलेक्स सिक्वेरा कार्यक्रमाक मुखेल सोयरे आसतले जाल्यार आदले मुख्यमंत्री श्री. लुईजीन फालेरो मानाचे सोयरे आसतले.

नावेलीचे आमदार श्री. उल्हास तुयेंकर, नावेलीच्यो सरपंच श्रीमती लुसिया कार्व्हालो, जिल्हा पंचायत वांगडी श्री. एडवीन कार्दोज आनी हेर मानेस्त कार्यक्रमाक उपस्थित रावतले.

म्हा /सप/ / विगां/ 2024/518