राज्यपालाहस्तुकीं फाल्या डॉ. प्रकाश पर्येंकार हांचो सत्कार

ता. 3 जानेवारी 2024

राजभवनार फाल्या ता. 4 जानेवारी 2024 दिसा सकाळीं 11.00 वरांचेर आयोजीत कार्यक्रमात राज्यपाल श्री. पी. एस. श्रीधरन पिल्लई हांचे हस्तुकीं साहित्य अकादमीचो प्रतिश्ठीत साहित्य पुरस्कार फावो जाल्लें गोंय विद्यापीठाचे उपमुखेली (रिसर्च) डॉ. प्रकाश पर्येंकार हांचो सत्कार जातलो. डॉ. प्रकाश पर्येंकार हांच्या “वर्सल” ह्या कथा संग्रहाक नामनेचो साहित्य पुरस्कार फावो जाला.

खेळां आनी युवा वेव्हार आनी कला-संस्कृती मंत्री श्री. गोविंद गावडे, भारतीय ज्ञानपीठ पुरस्कार जैतिवंत श्री. दामोदर मावजो, गोंय विद्यापीठाचे उपकुलगुरू श्री. हरिलाल मेनन आनी हेर मानेस्त कार्यक्रमाक उपस्थित रावतले.

डॉ. प्रकाश पर्येंकार हांचो “वर्सल” हो कोंकणी कथा संग्रह आसा आनी ताचे राज्यपाल श्री. पिल्लई हांचे हस्तुकीं आदी विमोचन जाल्ले.

म्हा /सप/ प्रना/ विगां/ 2024/13