Uखेळा आनी युवा वेव्हार संचालनालयाच्या कार्यालयात Paytm पेमेंट्स सुविधा सुरू

ता. 14 जुलय 2023

खेळा आनी युवा वेव्हार मंत्री श्री गोविंद गावडे हांणी काल कांपाल पणजी हांगाच्या खेळा आनी युवा वेव्हार संचालनालयाच्या कार्यालयात Paytm पेमेंट्स अॅप सुविधा सुरू केली.

नागरिकांखातीर सुलभ पेमेंट सुविधा उपलब्ध करपा खातीर Paytm अॅप सुरू केल्ल्याचे सांगून श्री. गावडे हांणी ही सुविधा उपलब्ध केल्ले खातीर Paytm चे प्रतिनीधी आनी खेळा संचालनालयाच्या अधिकाऱ्यांची तोखणाय केला.

राष्ट्रीय शिकाऊ प्रशिक्षण येवजणेविशीं उलयताना श्री. गावडे हांणी आस्थापनांनी उपलब्ध आशिल्ल्या प्रशिक्षण सुविधांचो वापर करून उद्देगांखातीर कुशळ मनीसबळ तयार करप हो येवजणेचो उद्देश आशिल्ल्याचे सांगलें. नॅशनल अॅप्रेंटिसशिप पोर्टलाचेर आपली नोंदणी करून युवकांनी ह्या येवजणेचो लाव घेवचो. ह्या येवजणेखाला आता मेरेन निवड जाल्ल्या उमेदवारांक 15 जुलयाक संवसारीक कुशळटाय दिसा मुख्यमंत्र्यांच्या हस्तुकीं कंत्राटपत्रां दितले, अशें तांणी सांगलें.

Paytm पेमेंट्सचे उपाध्यक्ष श्री अंकित गोयल हांणी पेटीएम पेमेंट सुविधेविशीं म्हायती दिली.

खेळा आनी युवा वेव्हार संचालक रोहित कदम, पेटीएम पेमेंट्सचे अधिकारी श्री अभय शर्मा, सौरभ अग्रवाल, श्री वेदांत कर्नानी, अभिनव दुबे ह्या वेळार उपस्थित आशिल्लें.