शाळांनी मुळाव्यों साधनसुविधा उपलब्ध करून दिवपाक सरकार वचनबद्द : मुख्यमंत्री

ता. 25 जानेवारी 2023

मुख्यमंत्री डॉ. प्रमोद सावंत हांणी आयज गृहनिर्माण मंडळ, सांखळी हांगा स्वतंत्र सेनानी श्री जगन्नाथराव जोशी सरकारी प्राथमीक विद्यालयाचे उक्तावण केले. द्घाटन करण्यात आले.

ह्या वेळार शिक्षण संचालक श्री. शैलेश झिंगडे, जिल्हा पंचायत सदस्य श्री गोपाळ सुर्लाकर, नगरसेवक श्रीमती शुभदा सावईकर, श्रीमती रश्मी देसाय, श्री दयानंद बोर्येकर, हरवळे ग्रामपंचायतीचे सरपंच राजू मळीक, जीएसआयडीसी एमडी श्री हरीश हडकोणकर आनी हेर अधिकारी उपस्थित आशिल्लें.

शाळेच्या उक्तावण कार्यक्रमात उलयतना मुख्यमंत्री डॉ. प्रमोद सावंत हांणी म्हणले, सांखळी हे एकमेव गाव आसा जंय तुमी केजी ते पीएच.डी. मेरेनचे शिक्षण घेवपाक शकता. नवीन शिक्षणीक धोरणांखाला शाळांनी ह्यान फुडें नवीन अभ्यासक्रम सुरू करपात येतले. आमकां विद्यार्थ्यांचे भविश्य घडोवपाचे आसून त्याखातीर आवश्यक साधन सुविधा उपलब्ध करून दिवपाक सरकाराचे प्रयत्न आसात. विद्यार्थ्यांनी नाविन्यपूर्ण कल्पनांवरवीं यशस्वी करिअर घडोवपाचो सल्लो मुख्यमंत्र्यान दिलो.

मुख्यमंत्र्यान सांखळी हांगा रोखडीच वसतिगृहाची सुविधा उपलब्ध करून दिवपाचेय ह्या वेळार उतर दिले.
ह्या वेळार मुख्यमंत्र्यांच्या हस्तुकीं शिक्षणीक क्षेत्रातल्या योगदानाखातीर श्री प्रसाद गावस, श्री दत्तगुरू जोशी आनी श्रीमती स्नेहलता मणेरकर हांचो सत्कार जालो.

सुरूवातीक श्रीमती शुभदा सावईकर हांणी मानेस्तांक येवकार दिलो. मुख्याध्यापिका कृपाली गावस हांणी कार्यक्रमाचे सूत्रसंचालन केले.

म्हा /सप/ ऑपे/ विगां/ 2023/92