शिगमोत्सव मिरवणूक चार मुखेल शारांनी

ता.18 फेब्रुवारी 2022

गोंय सरकाराच्या पर्यटन खात्यावतीन ह्या वर्सा राज्यांतल्या चार मुखेल शारांनी शिगमोत्सव मिरवणूक आयोजीत करपात येतली. 19 मार्च दिसा फोंडा, 20 मार्च दिसा मडगांव, 22 मार्च दिसा वास्को, 26 मार्च दिसा पणजी आनी 27 मार्च 2022 दिसा म्हापशें शारांत शिगमोत्सव मिरवणूक आयोजीत करपात येतली.

पर्यटन सचीव जे. अशोक कुमार हांच्या अध्यक्षतेखाला आयज जाल्ल्या बसकेत राज्यांत शिगमोत्सव आयोजीत करपाचो निर्णय जालो. बसकेत शिगमोत्सव समिती स्थापन करप, मिरवणूकांचे मार्ग, इनामांची रक्कम आनी हेर विशयांचेर चर्चा जाली.

कोवीड शिश्टाचारांक पाळो दिवन सांजेची 4.00 ते रातची 10.00 वरां मजगती शिगमोत्सव मिरवणुक जातली.

बसकेक पर्यटन संचालक मिनिन डिसौझा, संबंदीत नगरपालिकांचे मुख्याधिकारी, दक्षीण गोंय अतिरिक्त जिल्हाधिकारी सुरेंद्र नाईक, उत्तर गोंय अतिरिक्त जिल्हाधिकारी गोपाळ पार्सेकर, म्हायती आनी प्रसिध्दी संचालक दीपक बांदेकर आनी हेर अधिकारी उपस्थित आसिल्ले.

म्हा /सप/ प्रना/ विगां/ 2022/120