साळावली उदका प्रकल्पातल्यान दक्षीण गोंयांत मर्यादीत उदका पुरवण

ता. 10 एप्रिल 2026

ता. 12 एप्रिल 2026  दिसा वीज खात्यावतीन दक्षीण गोंयांतल्या शेल्डेच्या वीज उपकेंद्रा वयल्यान सकाळी 7.00 ते सांजेची 4.00 वरां मेरेन दुरूस्ती कामा खातीर वीज पुरवण बंद करपात येतली आनी त्याखातीर 12 आनी 13 एप्रिल 2026  दिसा 160 एमएलडी आनी 100 एमएलडी  साळावली उदका प्रकल्पातल्यान मर्यादीत उदका पुरवण जातली आनी त्या खातीर  वयल्या काळात सांगे, केपे, साश्ट आनी मुरगांव तालुक्यांतल्या उदका पुरवणेचेर परिणाम जातलो.  गिरायकांनी ह्या गैरसोयिची नोंद घेवची, अशें उदका पुरवण विभागान कळीत केला.

म्हा /सप/    / विगां/ 2026/244