म्हायती खात्याचे ज्येश्ठ फोटोग्राफर सिल्वेस्टर हांका सेवानिवृत्ती निमतान निरोप

ता. 28 नोव्हेंबर 2025

म्हायती आनी प्रसिद्धी खात्याचे ज्येश्ठ फोटोग्राफर सिल्वेस्टर ईस्तिबेरो हांका सेवानिवृत्ती निमतान खात्याच्या कर्मचाऱ्यांनी आयज निरोप दिलो. सिल्वेस्टर ईस्तिबेरो हांणी म्हायती आनी प्रसिद्धी खात्यात 37 वर्सां सेवा दिली.

म्हायती आनी प्रसिद्धी खात्यात ब्रोमायड प्रिंटर ते ज्येश्ठ फोटोग्राफर म्हूण सेवा दितना तांणी तीन सेंट फ्रान्सीस झेवियर प्रदर्शनां, लुसोफोनीया सर्त, ब्रिक्स् अशां म्हत्वाच्या कार्यक्रमांचे छायाचित्रण केला.

छायाचित्रण पत्रकारीतेतल्या योगदाना खातीर फोंडा पत्रकार संघ, अत्रृज पत्रकार संघ आनी केपे-सांगे पत्रकार संघान पत्रकार मित्र म्हूण तांचो भोवमान केला.

खात्याचे संचालक श्री. दीपक बांदेकर हांणी सिल्वेस्टर ईस्तिबेरो हांणी खात्याक दिल्ल्या सेवेची तोखणाय करून तांका फुडल्या जीणेखातीर परबीं दिली.

म्हायती अधिकारी ऑल्विन परेरा आनी हेर कर्मचाऱ्यांनीय तांका निरोगी आनी दीर्घायुश्या खातीर परबीं दिली.

म्हा /सप/ / विगां/ 2025/905