मतदार वळेरी निरिक्षक दक्षीण गोंयांत लोकांखातीर उपलब्ध

ता. 10 फेब्रुवारी 2026

मतदार वळेरी निरिक्षक तारीख 12 फेब्रुवारी 2026 दिसा सांजेच्या 4.00 वराचेर रूम नं. 407, सेमिनार हॉल, माथानी साल्दाना प्रशासकीय प्रकल्प, 4थो माळो, फातोर्डा-मडगांव हांगा सर्वसामान्य लोकांचे कसलेय दावे/प्रस्न आसल्यार ते स्विकारपा खातीर उपलब्ध आसतले.

भारतीय वेंचणूक आयोगान सचीव (महसूल) श्री संदीप जॅकीस (आयएएस) हांची सध्या चालू आशिल्ल्या विशेश मतदार वळेरी उजळणी मोहिमेच्या काळात गोंय राज्या खातीर मतदार वळेरी निरिक्षक म्हणून नेमणूक केल्ली आसा.

तशेंच सर्वसामान्य लोक चेंबर क्रमांक 205, तिसरो माळो, सचिवालय, पर्वरी, बार्देस-गोंय, 403521 हांगा तांच्या कार्यालयांत वा फोन नं. 0832-2419420, 2419646 वयल्यानय मतदार वळेरी निरिक्षकां कडेन संपर्क करपाक शकतात.

म्हा /सप/ / विगां/ 2026/114