डॉ. बाबासाहेब आंबेडकर जयंती कार्यक्रम

ता. 10 एप्रिल 2026

भारतीय घटनेचे शिल्पकार भारतरत्न  डॉ. बाबासाहेब आंबेडकर हांची 135 वी जयंती ता. 14 एप्रिल 2026 दिसा मनयतले. राज्य पावंड्यावयलो मुखेल कार्यक्रम पणजेच्या कदंब बसस्टॅण्डालागीच्या डॉ. आंबेडकर पार्कात सकाळी 10.30 वरांचेर जातलो. समाज कल्याण संचालनालय, गोंय राज्य एससी/ओबीसी वित्त आनी उदरगत म्हामंडळ आनी हेर खात्यांच्या जोड पालवान हो कार्यक्रम आयोजीत करले.

मुख्यमंत्री डॉ. प्रमोद सावंत, गोंय विधानसभेचे सभापती डॉ. गणेश गावकार, समाज कल्याण मंत्री श्री. सुभाष फळदेसाय आनी हेर मानेस्त डॉ. बाबासाहेब आंबेडकरांच्या पुतळ्याक फुलांहार घालतले.

ह्या वेळार मानेस्तांची भाशणां जातली तशेंच गुणवान विद्यार्थ्यांचो गौरव जातलो.

म्हा /सप/    / विगां/ 2026/243