गोंय विद्यापीठान रिसर्च असिस्टंटच्या दोन पदांखातीर अर्ज मागयल्यात

ता. 24 फेब्रुवारी 2026

गोंय विद्यापीठान गोंय राज्य रिसर्च फांऊडेशन पुरस्कृत “Industrial Estates in Goa: Entrepreneurial Perceptions, Performance, and Regional Disparities” (गोंयच्यो उद्देगीक वसणूकों- उद्देजकताय ज्ञान, प्रयोग आनी प्रादेशीक विशमता) ह्या विशया वयल्या संशोधन प्रकल्पाचेर काम करपाक रिसर्च असिस्टंटच्या दोन पदांखातीर पात्र उमेदवारांकडल्यान अर्ज मागयल्यात.

निवड जाल्ल्या उमेदवारांक गोंय विद्यापीठाच्या गोंय बिजनेस स्कुलाच्या अर्थीक सेवा शाखेत प्रकल्पाचेर संशोधन करचे पडटले. प्रकल्पाचो कार्यकाळ फकत धा म्हयने आसा.

उमेदवारा कडेन कमीत कमी 55 टक्के गुणांसयत समाजशास्त्र वा खंयच्याय संबंदीत शिक्षणातली मास्टर पदवी पात्रताय आसपाक जाय. स्टॅटिस्टिकल डाटा अनालिसीस ज्ञान आनी अणभव आवश्यक आसा. म्हयन्याक 20,000/- रूपया मानधन दितले. उमेदवाराची पिराय 35 वर्सा परस चड आसची न्हय.

मुलाखत 20 मार्च 2026 दिसा दनपारां 2.30 वरांचेर गोंय बिजनेस स्कुल, गोंय विद्यापीठ हांगा जातली. इत्सुक आनी पात्र उमेदवारांनी आपलो सीव्ही, शिक्षणीक दाखले आनी कामाच्या अणभवाचो दाखलो विभाग मुखेली डॉ. संजीता परब हांका 20 मार्च 2026 दिसा दनपारां 2.00 वरा मेरेन सुपूर्द करपाक जाय.

म्हा /सप/ / विगां/ 2026/138