गोंय मुक्ती दीस सुवाळ्यात मुख्यमंत्री सेवा पदकां भेटयतले

ता. 18 डिसेंबर 2025

फाल्या 19 डिसेंबर दिसा गोंय मुक्ती दीस सुवाळ्यात उत्कृश्ट सेवे खातीर मुख्यमंत्री अग्निशमन सेवा पदक, शौर्य पदक, नागरी संरक्षण पदक आनी पुलीस सेवा पदकां भेटयतले

उजो पालोवपी दळाचे अधिकारी श्री नीलेश फर्नांडिस, श्री अनिकेत अनंत आमोणकर आनी श्री जंगा आर. गोहर हांका उत्कृश्ट सेवेसाठी मुख्यमंत्री अग्निशमन सेवा पदक प्रदान करतले. श्री अविनाश यू. गावकर हांका मुख्यमंत्री अग्निशमन सेवा शौर्य पदक प्रदान करतले.

उपअधिक्षक श्री सागर पी. एकोस्कर, श्री राजेश कुमार, महिला पुलीस निरीक्षक श्रीमती सुदीक्षा एस. नाईक, एएसआय श्री सुभाष आर. मालवणकर, एचसी श्री भालचंद्र व्ही. सावंत, श्री मेल्विन डायस, पीसी श्री अमरदीप चौधरी हांका मुख्यमंत्री पुलीस पदक जाल्यार होमगार्ड ड्रायव्हर श्री रामा जी. कांबळी, महिला होमगार्ड स्वयंसेवक विद्या यू. तलवार, सिव्हिल डिफेन्स वॉर्डन श्री रूपेश वाय. पर्वतकर, अ‍ॅड. हर्षा नाईक हांका मुख्यमंत्री गृहरक्षक पदक प्रदान करतले.

म्हा /सप/ / विगां/ 2025/971