राज्यपालांच्या कविता संग्रहाच्या कोंकणी संकलनाचें प्रकाशन

ता. 13 मार्च 2025

गोंयचे राज्यपाल श्री. पी. एस. श्रीधरन पिल्लई हांणी मूळ इंग्लिशींत बरयिल्ल्या ‘ओ मिझोरम’ ह्या कविता संग्रहाच्या कोंकणी संकलनाचे प्रकाशन आयज राजभवनार जाले. कोची केरळचे ज्येश्ठ कोंकणी लेखक श्री. आर. भास्कर हांणी अनुवादित केल्ल्या कोंकणी आवृत्तीचे प्रकाशन राज्यपाल श्री. पी. एस. श्रीधरन पिल्लई हांचे हस्तुकीं जालें.

ज्येश्ठ पत्रकार श्री. पाचू मेनन, संजना प्रकाशनाचे मालक श्री. दिनेश मणेरकर, अनुवादक श्री. आर. एस. भास्कर, राज्यपालांचे सचिव श्री. एम. आर. एम. राव, आयएएस आनी हेर मानेस्त ह्या वेळार उपस्थितीत आशिल्लें.

ह्या वेळार उलयतना राज्यपालान सांगलें, “भाशांतराक लागून भाशांच्या अडथळ्यां बगर साहित्य कलाकृती वेगवेगळ्या भाशीक लोकांकडेन पावपाक मजत जाता. राजभवनाच्या “नई पहल” येवजणेक लागून नवोदीत लेखकांक बरोवपाक उर्बा मेळटा. साहित्या वरवीं संस्कृती आनी इतिहासाची देवाणघेवाण जाता, अशेंय राज्यपालान सांगलें.

ज्येश्ठ पत्रकार श्री. पाचू मेनन हांणी भाशांतराचे म्हत्व सांगतना भाशांतराक लागून साहित्य संवसारा मुखार येवपाक मजत जाता, अशें सांगलें.

राज्यपालांचे सचिव श्री. एम. आर. एम. राव हांणी मानेस्तांक येवकार दिलो.

कार्यक्रमाक ज्ञानपीठ पुरस्कार जैतिवंत दामोदर मावजो, श्रीमती माया खरंगटे, श्रीमती नमन धावस्कर, बाबनी मापारी आनी राजभवनाचे अधिकारी उपस्थित आशिल्लें.

अनंत अग्नी हांणी कार्यांवळीचें सुत्रसंचालन केले.

म्हा /सप/ / विगां/ 2025/230