वीज यंत्रणांविशीं शिटकावणी

ता. 7 जानेवारी  2026

वीज खात्यान वाळपय हांगाच्या मे. भारत पेट्रोलिएम कॉर्पोरेशन ली. आस्थापनाक वीज पुरवण करपा खातीर नवीन उबारिल्ले 200 केव्हीए ट्रान्सफॉर्मर केंद्र आनी जोडून आशिल्ली वीज यंत्रणां 8 जानेवारी  2026 दिसा चालू करतले आनी ह्यानफुडें ही वीज यंत्रणां तशीच चालू उरतली. ही वीज यंत्रणां मनशाच्या आनी जनावरांच्या जीवाक धोक्याची आशिल्ल्यान लोकांनी तांच्या संपर्कात येवपा पासून पयस रावचे.

म्हा /सप/    / विगां/ 2026/24