मिरामार बीचवर आंतरराष्ट्रीय योग दिवस

देशव्यापी “१०० दिवस, १०० शहरे, १०० संस्था” या उपक्रमांतर्गत योगाद्वारे प्रतिबंधात्मक आरोग्यसेवेला चालना

८ एप्रिल २०२६

गोवा सरकारने, गोमंतक आयुर्वेद महाविद्यालय आणि संशोधन केंद्रामार्फत, पणजी येथील मिरामार बीचवर “आंतरराष्ट्रीय योग दिन २०२६ साठी काउंटडाउन कार्यक्रम” आयोजित केला. हा उपक्रम भारत सरकारच्या आयुष मंत्रालयाच्या मोरारजी देसाई राष्ट्रीय योग संस्थेच्या सहकार्याने, “१०० दिवस, १०० शहरे, १०० संस्था” या देशव्यापी मोहिमेचा एक भाग म्हणून आयोजित करण्यात आला होता.

सकाळी ७.०० ते ९.०० या वेळेत आयोजित या कार्यक्रमात विद्यार्थी, आरोग्य व्यावसायिक आणि सर्वसामान्य नागरिकांनी उत्साहाने सहभाग घेतला. कार्यक्रमाची सुरुवात ‘सामान्य योगा शिष्टाचाराने झाली, त्यानंतर जागरूकता सत्रे आणि नाट्य योग व शास्त्रीय नृत्यासारख्या सांस्कृतिक कार्यक्रमांचे आयोजन करण्यात आले, ज्यामधून संतुलित आणि निरोगी जीवनशैली राखण्यासाठी योगाचे महत्त्व प्रतिपादले.

या प्रसंगी बोलताना डॉ. स्नेहा भागवत यांनी आजच्या वेगवान जीवनशैलीत आपल्या खाण्याच्या सवयींमध्ये मोठे बदल झाले आहेत. या संदर्भात संपूर्ण आरोग्याचे संतुलन राखण्यासाठी योग अत्यंत फायदेशीर ठरतो असे सांगितले.

हा उपक्रम प्रतिबंधात्मक आरोग्यसेवा, आरोग्य आणि निरोगी जीवनशैली यांवर सरकारचा असलेला सातत्यपूर्ण भर दिसून येतो. गोवा आपल्या नैसर्गिक आणि सांस्कृतिक सामर्थ्यासह, आरोग्य आणि निरोगीपणाचे केंद्र म्हणून वेगाने उदयास येत आहे आणि अशा कार्यक्रमांमुळे योग व पारंपरिक प्रणालींचे दैनंदिन जीवनात एकत्रीकरण अधिक दृढ होत आहे.

या कार्यक्रमाला गोवा आयुर्वेद आणि इतर संलग्न भारतीय वैद्यक प्रणाली परिषदेच्या अध्यक्षा डॉ. स्नेहा भागवत, योग सत्र प्रशिक्षक श्री मोहन जोशी आणि आयुष वैद्यकीय अधिकारी डॉ. महेश वेलेकर, गोवा कॉलेज ऑफ फिजिओथेरपी, नॅचरोपॅथी आणि योगिक सायन्सेस आणि शिरोडा येथील गोमंतक आयुर्वेद महाविद्यालय आणि संशोधन केंद्राचे प्राध्यापक, कर्मचारी आणि विद्यार्थी उपस्थित होते.

मा/वाप/दिबा/एपी/र ना/२०२६/२२४