एनसीसी राष्ट्राचे उदरगतीत म्हत्वाची भुमिका साकारता: कोश्यारी

पणजी, ता. 3 मार्च 2021

राष्ट्रीय केडेट सैन्याचे दळ एक संस्था आसून राष्ट्राविशीं विद्यार्थ्यांक शिकोवन आनी राष्ट्राचे उदरगतीक म्हत्वाची भुमिका साकारता अशे गोंयचे राज्यपाल श्री. भगतसिंग कोश्यारी हांणी ह्या वेळार म्हटलें. राजभवन हांगासर गोंय आनी कर्नाटकाच्या एनसीसी केडेटाच्या सत्कार सुवाळ्याक ते उलयतालें. एनसीसी डीटीई कर्नाटक आनी गोंय, एनसीसी, जीपी,एचक्यू, बेळगांव आनी सलग्न संस्थांनी ही कार्यावळ आयोजीत केल्ली.

फुडें उलयताना राज्यपालान म्हणले की जिवीतांत शिस्तिचे म्हत्व आत्मसांत करूंक आनी युवा खातीर तांचे व्यक्तिम्हत्व विकसीत करपाक एनसीसी एक व्यासपीठ दिता. बऱ्या तरेन लोकांक आमच्या देशाचे नेतृत्व करूंक आनी मुखार व्हरूंक बरें शिस्तीचेर भर दिवपाची गरज आसा आनी एनसीसी प्रवेश घेतल्या खातीर केडेटांची राज्यपालान तोखणाय केली.

2021 च्या प्रजासत्ताक दिसा, गोंय आनी कर्नाटक एनसीसी तुकडी चवथ्या क्रमांकाचेर आशिल्ले. ह्या सुवाळ्या वेळार राज्यपालान केडेटांक मान्यचिन्न दिवन भोवमान केलो आनी ह्या वेळार केडेटानी आपलो अणभव सांगलो.

डेपीट्यू डायरेक्टर जनरल, क्रर्नाटका आनी गोंय एनसीसी डायरेक्टर, एअर कमांडो ललीत कुमार जैन ह्या सुवाळ्या वेळार उलयले. फ्लॅग अधिकारी नेवल ऍवियेशन रायर एडमीरल फिलीपोज जॉर्ज, कमांडर 2 सिगनल ट्रेनिग सेंटर ब्रिज. श्री संजय रावल, राज्यपालांचो जोड सचीव आयएएस, श्री. मिहिर वर्धन, सहाय्यक कॉमट्रोलर श्री. गौरीश शंखवाळकर, एनसीसी अधिकारी, श्री. संदेश गडकारी, गोंयची एनसीसी सहाय्यक अधिकारी आरडीसी तुकडी, ग्रुप कॉम कोल के. श्रीनिवास, बेळगांव, युवा वेव्हार आनी खेळा संचालनालयाचे संचालक श्री. चैतन्य प्रसाद तांच्या मदी ह्या सुवाळ्याक हाजीर आसले.

म्हा /सप/ प्रना/ बिभ / 2021/259