Home »News

गांधी जयंती निमतान ऑक्टोबराक साबार कार्यावळींचें आयोजन

 

पणजी, २८  सप्टेंबर, २०१८

आश्विन , १९४०

 

 

          राष्ट्रपिता महात्मा गांधी हांच्या १५० व्या जयंती निमतान राज्यांत वेगवेगळ्या कार्यावळींचें आयोजन केला. राज्य पातळीवेली कार्यावळ पोरणे गोंयच्या गांधी चौकांत ऑक्टोबर २०१८ दिसा सकाळीं .०० वरांचेर जातली. हे कार्यावळीक राज्यपाल डॉ. श्रीमती मृदुला सिन्हा मुखेल सोयर्‍यो आसतल्यो. ही कार्यावळ गोंय सरकार पोरणे गोंय ग्राम पंचायतीच्या जोडपालवान आयोजीत करतले.

          ह्या कार्यावळीक केंद्रीय आयुश मंत्री (स्वतंत्र भार) श्री. श्रीपाद नायक, कुंभारजुवेंचे आमदार श्री. पांडुरंग मडकयकर, मुख्य सचीव श्री. धर्मेंद्र शर्मा (आयएएस), पोरणे गोंय ग्राम पंचायतीच्यो सरपंचा श्रीमती जनिता पां. मडकयकर आनी हेर मानेस्त महात्मा गांधी हांकां फुलां घालून आर्गां ओंपतले. पोरणे गोंयच्यो सरपंचा येवकाराचें उलोवप करतल्यो. उपरांत राज्यपालांचें उलोवप जातलें.

          ह्या दिसा निमतान, शाळेंतल्या भुरग्यांची प्रभात फेरी जातली. राज्यपाल पोरणे गोंयच्या गांधी चौका लागसार हे प्रभात फेरयेक बांवटो दाखोवन सुरवात करतल्यो.

          कला अकादमीचो एक गट भजन सादर करतले. तशेंच भगवत गिता, बायबल आनी कुराणाचें वाचन जातलें.

          उपरांत राज्यपाल, लाल बहादूर शास्त्री हांच्या जयंती निमतान पोरणे गोंय ग्रामपंचायत हॉलांत वचून तांकां आर्गां ओंपतल्यो.

          वेगवेगळी खातीं आनी कार्यालयां वरवीं पोरणे गोंय वाठारांत उबारिल्ली स्टॉलां ह्या कार्यावळीचें मुख्य आकर्शण आसतली. गांधी चौका लागसार उबारिल्ल्या ह्या स्टॉलांक राज्यपाल भेट दितल्यो. खादी आनी ग्रामीण उद्देग मंडळ, हस्तकला, वस्त्रोद्योग आनी (कॉयर) खातें,  ग्रामीण उदरगत यंत्रणा, शारी उदरगत खात्याचे स्वच्छ भारत मिशन आनी पर्वरीचे संजय स्कूल स्टॉलां उबारतले.

 

मा/वाप/टीएसएस/विगां/स्नेस/फ्रारि/२०१८/१५९३

 

TOP