Home »News

गोंयांत २८ ते ३०  सप्टेंबर मेरेन फॉरेन्सीक दंतविज्ञान परिशदेचें आयोजन

 

पणजी, २६ सप्टेंबर, २०१८

                                                                                                    आश्विन , १९४०

-

 

           आंतरराष्ट्रीय फॉरेन्सीक दंतविज्ञान संघटनेन ता. २८ ते ३० सप्टेंबर २०१८ मेरेन गोंयांत पयल्या आंतरराष्ट्रीय आनी १६ व्या राष्ट्रीय भारतीय फॉरेन्सीक दंतविज्ञान परिशदेचें आयोजन केला. डिजिटल युगांत फॉरेन्सीक दंतशास्त्राची वाटचाल अशी परिशदेची संकल्पना आसून ह्या परिशदेंत राष्ट्रीय आनी आंतरराष्ट्रीय मळावयलें ४५० प्रतिनिधी वांटो घेतले.

          तीन दीस चलपी परिशदेंत दंतचिकित्स, पुलीस अधिकारी आनी न्यायवेवस्थेच्या वांगड्या खातीर व्याख्यानां आनी चर्चासत्रां जातली. दंत संस्था, खाजगी डॉक्टर आनी हेर संबंदीत यंत्रणेच्या डिजिटल दंतशास्त्र म्हायती विशीं समानताय स्विकारपा विशीं म्हत्वाच्यो शिफारसी परिशदेंत करपांत येतल्यो. न्यायवेवस्थेक फॉरेन्सीक दंतशास्त्राचो उपेग जावचे खातीर फॉरेन्सीक दंतशास्त्रांत पिरायेचो अदमास, डर्मेटॉलॉजी, घास मारिल्ल्या खुणेचो तपास आनी फॉरेन्सीक दंत तपासणी सारख्या अभ्यासक्रमाचेर परिशदेंत चर्चा जातली.

          तशेंच फॉरेन्सीक दंतशास्त्रांतलो दर्जो, रेडियॉलॉजी, जाती-कूळ आदारीत दंत तपासणी, दुयेंताची तपासणी, घास मारिल्ल्या खुणांची चिकित्सा आनी हेर संबंदीत विशयाचेर व्याख्यानां जातली.

          इटलीच्या फ्लोरन्स विद्यापिठाच्या कायदेविशयक वैद्यकशास्त्र विभागाचे असोसिएट प्रोफेसर प्र. विल्मा पिंची, मलेसिया विद्यापिठाच्या दंतविज्ञान विभागाचे प्र. डॉ. प्रभाकरन नांबियार, हाँगकाँगचे बालरोगतज्ञ डॉ. जयकुमार जयरामन, नेपाळच्या त्रिभुवन विद्यापिठाच्या दंतशास्त्र विभागाचे पालवी प्रोफेसर डॉ. सामरिका दहाल, पुणे विद्यापिठाचे निवृत्त प्र. बी. व्ही. भानू, गोंय दंत महाविद्यालयाचे डॉ. अजीत दिनकर, ऑस्ट्रेलियांतले दंततज्ञ डॉ. आशिथ बी. आचार्य आनी हेरांची व्याख्यानां जातली.

          तशेंच दंतशास्त्र शिक्षक आनी विद्यार्थी आपले पेपर सादर करतले. गोंय पर्यटन आनी कला आनी संस्कृती संचालनालय ह्या परिशदेचे पुरस्कर्ते आसात.

       

मा/वाप/टीएसएस/विगां/स्नेस/फ्रारि/२०१८/१५८३


 

TOP