Home »News

डॉ. टी. बी. कुन्हा हांच्या उगडासाक आर्गां ओंपली

 

पणजी, २६ सप्टेंबर, २०१८

                                                                                                    आश्विन , १९४०

 

          डॉ. टी.बी. कुन्हा हांच्या पुण्यतिथी दिसा आयज पणजेच्या आझाद मैदानाचेर जाल्ल्या कार्यक्रमांत मानेस्तांनी डॉ. टी. बी. कुन्हा हांच्या उगडासाक आर्गां ओंपली.

          गोंय विधानसभेचे सभापती डॉ प्रमोद सावंत हांणी आझाद मैदानांवयल्या डॉ. कुन्हाच्या स्मारकाचेर पुष्पांजली ओंपली. मुख्य सचीव श्री. धर्मेंद्र शर्मा, पुलीस महासंचालक श्री. मुक्तेश चंदर, स्वातंत्र्य सैनीक संघटनेचे अध्यक्ष श्री. पांडुरंग कुंकळयेकार आनी हेर स्वातंत्र्य सैनिकांनीय स्मारकाचेर फुलां घालून आर्गां ओंपली.

          पुलीस पंगडान मानवंदना दिली. गोंयच्या राष्ट्रवादी चळवळीचे जनक म्हूण वळखुपांत येवपी डॉ. टी. बी. कुन्हा हांणी परकीय राजवट सोंपोवपा खातीर गोंयच्या लोकां मदीं राष्ट्रवादाची भावना जागोवपाचें काम केलें.

 

मा/वाप/टीएसएस/विगां/स्नेस/फ्रारि/२०१८/१५८१

TOP