Home »News

मिलिंद नायक आनी निलेश काब्राल हांकां मंत्रीपदाचो सोपूत

 

 

पणजी, २४ सप्टेंबर, २०१८

आश्विन, १९४०

 

                   आयज राजभवनार, दरबार हॉलांत जाल्ल्या एका साद्या सुवाळ्यांत, आमदार श्री. मिलिंद नायक आनी श्री. निलेश काब्राल हांकां मंत्रीपदाचो सोपूत दिलो. राज्यपाल डॉ. श्रीमती मृदुला सिन्हा हांणी दोनूय मंत्र्यांक पद आनी गुप्ततायेचो सोपूत दिलो. सुरवेक मुख्य सचिव श्री. धर्मेंद्र शर्मा हांणी नेमणुकेचो आदेश वाचलो.

          श्री. नायक हांणी मराठींतल्यान जाल्यार श्री. काब्राल हांणी कोंकणींतल्यान सोपूत घेतलो.

          सोपूतविधी सुवाळ्याक भौशीक बांदकाम मंत्री श्री. सुदिन ढवळीकर, नगर नियोजन मंत्री श्री. विजय सरदेसाय, पर्यटन मंत्री श्री. मनोहर आजगांवकर, महसूल मंत्री श्री. रोहन खंवटे, कला आनी संस्कृती मंत्री श्री. गोविंद गावडे, उदकां स्त्रोत मंत्री श्री. विनोद पालयेकर, घरबांदणी मंत्री श्री. जयेश साळगांवकर, पंचायत मंत्री श्री. माविन गुदिन्हो, भलायकी मंत्री श्री. विश्वजीत राणे, गोंय विधानसभेचे सभापती डॉ. प्रमोद सावंत, खासदार श्री. नरेंद्र सावयकर, श्री. विनय तेंडुलकर, आमदार श्री. राजेश पाटणेकर, श्री. ग्लेन टिकलो, श्रीमती अलिना साल्ढाणा, श्री. दीपक पाऊसकर, आदले मुख्यमंत्री श्री. लक्ष्मीकांत पार्सेकर, आदले सभापती श्री. राजेंद्र आर्लेकर, गोंय आनी महाराष्ट्राचे आयोजन सचिव (भाजप) श्री. विजय पुराणीक, भाजपाचे राष्ट्रीय सचिव आनी गोंय विभागाचे प्रभारी श्री. बी. एल. संतोष, आदले आमदार श्री. राजन कुंकळकर, आदले उप-सभापती श्री. अनंत शेट, भाजपाचे वरिश्ठ फुडारी आनी दोनूय मंत्र्यांचे कुटुंबांतले वांगडी हजर आशिल्ले.

 

मा/वाप/टीएसएस/विगां/स्नेस/फ्रारि/२०१८/१५७१            

TOP